DX19

Norðurlandahúsið, 24. og 25. Juli 2019

 

DX19 var eitt samstarv við listaduoina Rammatik (v. Marionnu Mørkøre og Rannvá Káradóttir), ið høvdu framleitt tríggjar listafilmar til sýningarnar.

 

Áðrenn framførslurnar diskaði Tordis Vang í gongini, og hevði Tordis eisini framleitt eitt av tónleikaløgunum til sýningina. Marianna Nagata og ravtøkniligu snillingarnir Dan Helgi í Gong, Rasmus Vigant Samuelsen og Bergur Fonsdal Johannesen framførdu eisini egin løg. Afturat hesum hevði tónaskaldið Daniel Fogh framleitt eitt lag til sýningarnar.

 

Venjingarlega var á Føroya Fólkaháskúla í døgunum 15.-23. juli. Her høvdu ymiskir koreografar dansiverkstovur í m.a. contemporary, floorwork, house, dancehall og vogue, og undirvísti sjónleikari Annfinnur Heinesen í dramatiskum útrykki og framførslu.

 

Fyri fyrstu ferð høvdu vit ’Open call’, har útlendskir yrkisdansarar kundu søkja um at luttaka í DX. Nógvar umsóknir komu inn, og úrslitið bleiv at dugnaligu Anastasija Olescuka og Diana Webhi komu úr Danmark at luttaka í DX við sermerkta dansistíli teirra: strutting. Hetta er fyrstu ferð at hesin stílurin hevur verið framførdur í Føroyum.

 

Einastandandi dansibólkurin úr Kanada, Tentacle Tribe, ið dansa eina samansjóðing av contemporary og breakdance, vóru eisini við í DX19. Umframt hetta høvdu vit eisini luttakandi dansarar úr Sveis, USA, Týsklandi og Suðurkorea.

 

Sniðgevi var Marina Hindberg Enevold, ljósmaður Turpin Djurhuus og ljóðmaður Baldur Meitil.

 

DX er eitt háskúlaskeið á Føroya Fólkaháskúla, og DX19 var eisini eitt samstarv við Norðurlandahúsið.

 

DX19 markaði eisini 5-ára hátíðarhaldið av verkætlanini.

© 2017 DansiEksperimentið

  • Facebook - White Circle
  • Instagram - White Circle